Conta Netclub, aforrar ten recompensa

Aprender a aforrar desde meniños ten moito que ver con aprender a ter paciencia e esforzarse para conseguir un obxectivo. A Conta Netclub está deseñada sobre esa base: unha conta infantil para nenos con idades comprendidas entre 0 e 15 anos que recompensa o seu esforzo por aforrar.

A medida que o teu fillo ou a túa filla vaian aforrando, irán acumulando puntos Netclub que poderán cambiar por libros, música, tecnoloxía… É unha conta perfecta para empezar a aforrar e, por suposto, sen comisións nin xuros de ningún tipo (TXN 0% e TAE 0%).

Calquera saldo que presente a conta non se remunerará, se o saldo existente fose por exemplo 6000 €, a remuneración por dito importe sería 0 €.

Consulta o documento informativo das comisións.

Irás sumando puntos trimestralmente, segundo o saldo medio que teñas na conta nese momento: 1 punto por cada 50 euros de saldo. Por exemplo: se abrises unha Conta Netclub o día 1 de xaneiro con 50 euros e mantiveses esa cantidade ata o 31 de decembro, recibirías catro puntos, un cada trimestre.

Tes toda a información nas bases do programa, pero lembra que para coñecer os puntos que vas acumulando tes dúas opcións: cada tres meses recibirás un extracto na túa e-correspondencia informándote do teu saldo e tamén nos podes chamar ao 981 910 522.

De acordo coa normativa vixente, esta retribución por parte de ABANCA constitúe o que se coñece como un "rendemento de capital mobiliario en especie", e por tanto está suxeito ao Imposto sobre a Renda das Persoas Físicas (IRPF) por parte de quen o recibe, e sometida, no seu caso, á correspondente obrigación de ingreso a conta por parte do pagador. Corresponderá a ABANCA a práctica do ingreso a conta aplicable, no seu caso, cuxa contía será asumida por ABANCA como maior importe da retribución. En ningún caso poderán ser obxecto de compensación económica ou retribución en efectivo os productos do noso catálogo Netclub.

Dedicamos moitos recursos para facilitar a contratación en liña dos nosos produtos e servizos, pero neste caso cómpre que acudas a unha oficina, xa que o titular da conta será o menor. Necesitaremos o libro de familia ou a folla de inscrición no rexistro, o DNI do menor e o DNI dos representantes legais.

No caso de que os representantes legais non sexan os pais, é necesario presentar a documentación que acredite esa condición. A partir de aquí, aforrar e ter recompensa por iso será moi fácil coa Conta Netclub e co catálogo que ti e o teu fillo tedes ao voso dispor.

Conforme o establecido na Orde ECC/2316/2015, dende febreiro de 2016 determinadas entidades que prestan servizos de investimento ou comercializan algún dos produtos financeiros afectados por esa Orde deben amosar un indicador do risco como o do cadro que encabeza esta ficha, que ten por obxecto “garantir un apropiado nivel de protección ao cliente ou potencial cliente de produtos financeiros mediante o establecemento dun sistema normalizado de información e clasificación que lle advirta sobre o seu nivel de risco e lle permita elixir os que mellor se lles axeiten ás súas necesidades e preferencias de aforro e investimento. Trátase dunha escala numérica, do 1 ao 6, onde 1/6 é o indicador de menor risco e 6/6 o de maior risco.

Ten en conta tamén que ABANCA está adscrita ao Fondo de Garantía de Depósitos español. O límite da cobertura é de 100.000 € por depositante e entidade de crédito. Tes máis información na ficha de información precontractual.