Irisgarriak gara

Zer da irisgarritasuna?

Irisgarritasuna pertsonek objektu bat erabiltzeko, leku bat bisitatzeko edo zerbitzu bat eskuratzeko duten maila da, beren gaitasun teknikoak, kognitiboak edo fisikoak alde batera utzita.

Irisgarritasuna handitzeko, inguruko oztopoak gainditzen laguntzen duten erraztasunak erabiltzen dira. Erraztasun horiei esker, desgaitasunen bat duten pertsonek, desgaitasunik ez duten pertsonen ekintza berak egitea lortzen da. Laguntza tekniko horietako batzuk dira Braille sistema, zeinu-hizkuntza, gurpil-aulkiak, semaforoen entzumen-seinaleak, etab.

Irisgarritasunak pertsona batek leku batean modu seguru, eroso eta autonomoan sartu, ibili eta egon ahal izatea bermatzen du. Horretarako, oztopo fisikoak kendu egin behar dira.

Informatikan, irisgarritasuna hobetzen duten elementuak hainbat dira, hala nola, kontraste handiko edo tamaina handiko tipografiak, pantaila-handigailuak, pantaila-irakurgailuak eta -ikuskatzaileak, ahotsa ezagutzeko programak, teklatu egokituak eta informazioa helarazteko beste gailu batzuk.

Interneteko edukiari aplikatutako irisgarritasunari web irisgarritasuna esaten zaio. W3Ck irisgarritasun mota hori bermatzeko jarraibide edo arau espezifikoak garatu ditu. W3Cren barruan, irisgarritasuna sustatzeaz arduratzen den lantaldea WAI da, zeinak Web edukirako irisgarritasun-jarraibideak egin baititu(WCAG 1.0 y 2.0).

Irisgarritasuna eta desgaitasuna.

Web guneen irisgarritasunari eragiten dioten desgaitasunak honako hauek izan daitezke:

Ikusmenarekin lotutakoak: maila desberdinetan, ikusmen baxutik erabateko itsutasunera, koloreak bereizteko arazoez gain (daltonismoa).
Mugimenduarekin lotutakoak: eskuak erabiltzeko zailtasuna edo ezintasuna, dardarak, muskulu-moteltasuna etab. Desgaitasun horiek parkinsonak, muskulu-distrofiak, garuneko paralisiak, gorputz-adarrik ezak eta antzeko gaixotasunek eragin ditzakete.
Entzumenarekin lotutakoak: gorreria edo entzumen-urritasunak.
Kognitiboak: ikasteko zailtasunak (dislexia, diskalkulia, etab.) edo desgaitasun kognitiboak, memoriari, arretari, trebetasun logikoei eta abarri eragiten dietenak.

ABANCAren web gunearen irisgarritasuna.

Erabiltzaile guztiei sarbide egokia bermatzeko, web gunea nabigatzaile ezagunenak zein hain ohikoak ez direnentzat optimizatuta dago. Gainera, nabigazio egokia berrikusi da testu soileko nabigatzaileak erabiliz eta estiloak eta irudiak desaktibatuz.

Sistemari segurtasun- eta babes-mekanismo aurreratuenak emateko, zure nabigatzailearen azken bertsioa instala dezazun gomendatzen dizugu. Honako orri hauetan eskura dezakezu, erabiltzen duzun nabigatzailearen arabera: