SERVIZOS EXCLUSIVOS
PARA INVESTIDORES
A combinación do noso catálogo e mais o da nosa propia xestora, ABANCA Xestión de Activos, con solucións financeiras exclusivas de terceiros permítennos lograr unha arquitectura aberta, ampla e transparente para satisfacermos as necesidades dos clientes máis esixentes.
Todos os nosos clientes de banca privada teñen a posibilidade de investir nalgúns dos mellores vehículos de investimento de cada categoría, logrando unha proposta de investimento personalizada e adaptadas ás súas necesidades.
O exclusivo e personalizado marca a diferenza.
Axudamos os nosos clientes a maximizar as súas rendibilidades tendo en conta o risco dos productos e adecuando a súa carteira personalizada ás oportunidades do mercado e, en especial, ás súas necesidades e perfil de risco. Ademais, recibirá periodicamente formes integrais totalmente personalizados de posición e rendibilidade dos seus produtos que lle permitirá realizar un seguimento polo miúdo da evolución e rendemento dos seus investimentos.
Ademais dos servizos que lle detallamos a seguir, todos os nosos clientes de ABANCA Privada teñen ao seu alcance o noso catálogo de produtos premium tanto para a xestión diaria coma de solucións de financiamento ou de investimento. Produtos estruturados elaborados á medida, máis de 8000 fondos de investimento de xestoras nacionais e internacionais, seguros de aforro ou investimento, plans de pensións…
Contacte cun dos nosos banqueiros especializados e elaborarán unha proposta para vostede, tamen lle dará o documento cos datos fundamentais e os folletos informativos de cada producto, así como o resto de documentación legal exixible, antes de realizar calquer xestión. Terá acceso a todos os servizos do banco a través do seu banqueiro privado.
Xestión de Carteiras
Cada cliente da Banca Privada de ABANCA dispón dunha carteira propia e diferenciada, adaptada aos seus obxectivos, á súa estratexia e ao seu perfil investidor. Este tipo de xestión de boutique, persegue a rendibilidade, a especialización, a innovación e o control do nivel de risco con ferramentas que lle permitirán saber o estado do seu patrimonio en tempo real.
Ademais, poñemos ao seu dispor exclusivos modelos Alpha Cíclica, Alpha Future ou Alpha Responsable e o máis premium de todos, Alpha Platinum, baseados nunha innovadora metodoloxía de xestión onde o proceso de asignación de activos se realiza baseándose na análise do ciclo económico, o momento do mercado e a aplicación de filtros cuantitativos e cualitativos para concluír nun posicionamento estratéxico, táctico e personalizado.
Planificación Patrimonial
Un servizo especializado e persoal, que emprega toda a experiencia, coñecemento e tecnoloxía dun grupo financeiro internacional para axudalo a formular as estruturas patrimoniais máis eficientes para a súa situación financeira, as súas necesidades de liquidez e que se saberá integrar cos seus asesores fiscais ou xurídicos.
Unha xestión próxima, permanente, dos seus investimentos, para a súa tranquilidade e mais a da súa familia.
Fusións e adquisicións
Identificamos, desenvolvemos, asesoramos e executamos operacións industriais e empresariais grazas a unha rede que se estende desde España e Portugal por once países de Europa e América.
Contará cun equipo transversal de profesionais cunha amplísima experiencia que traballarán para lograr os obxectivos dos nosos clientes a curto ou longo prazo: adquisicións, fusións, desinvestimento, LBO, MBO, BIMBO…
Real Estate
A dilatada experiencia de ABANCA Grupo Inmobiliario e a nosa dimensión internacional permítennos ofrecerlles oportunidades de valor aos nosos clientes para investir en diversos tipos de mercados, activos e territorios.
En ABANCA ofrecémoslles un soporte rigoroso e asesoramento integral aos investidores interesados no real estate con activos propios ou de terceiros e con independencia do fin que teñan, xa sexa no mercador residencial, comercial, retail ou institucional.
Xestión Alternativa
A estrutura patrimonial e fiscal dos nosos clientes require opcións de investimento alternativas que ademais se adapten ao seu perfil investidor e á súa planificación.
Como o logramos? Identificamos posibles nichos con rendibilidades atractivas e diversificamos e optimizamos as carteiras nos distintos mercados, sempre analizando e tendo en conta o seu risco.
