Conta de Pago Básica

Para contratar unha Conta de Pago Básica é necesario que acudas a algunha das nosas oficinas, onde che explicaremos as características da Conta de Pago Básica e se este produto se adapta ás túas necesidades. Lembra que só poderán solicitar esta conta as persoas que non sexan titulares doutra conta en ningunha entidade española, ademais deben ser residentes legalmente na Unión Europea, solicitantes de asilo ou, que aínda non tendo permiso de residencia non poidan ser expulsados.

Ademais, pedirémosche a seguinte documentación:

• Solicitude de apertura de Conta de Pago Básica
• Declaración responsable conforme non dispós de ningunha outra conta de pago en España.
• DNI ou algún outro tipo de documento identificativo.
• No caso de persoas en situación de especial vulnerabilidade ou risco de exclusión financeira (consulta as condicións), solicitarase ademais a documentación que xustifique esa situación.

Para o acceso á Conta de Pago Básicanon che pediremos a contratación de ningún outro servizo ou produto.

A Conta de Pago Básica permíteche realizar a seguinte operativa:

• Ingresos e reintegros en euros (estes últimos poderanse realizar tanto en calquera oficina da Entidade en España, como en caixeiros de ABANCA dentro da Unión Europea).
• Ademais, con esta conta podes realizar ata 120 operacións de pago anuais en euros dentro da Unión Europea, entendendo como tales: domiciliación de recibos, ordes de transferencia permanentes e transferencias realizadas tanto na nosa rede de oficinas como a través dos servizos de banca a distancia de ABANCA.
• Para poder operar a distancia podes contratar unha tarxeta de débito, ou prepago, e realizar compras, incluíndo pagos online dentro da UE. Tamén podes contratar os servizos de Banca a distancia (inclúe e-correspondencia).

Non se considerarán operacións de pago e por tanto non se permitirá a vinculación á Conta de Pago Básica de ningún outro produto ou servizo que non sexan os detallados neste apartado.

A Conta de Pago Básica ten dúas tarifas diferenciadas:

• Tarifa xeral: ten unha comisión de 3€ ao mes. Esa comisión equivale a unha TAE do -0,60%, que calculamos utilizando o suposto de que mantiveras de forma constante durante un ano un saldo diario de 6000€, aplicando un TXN do 0,00% e esa comisión de mantemento de 3€ ao mes, que cobraríamos trimestralmente (9€).
• Tarifa reducida: gratuíta. (TXN do 0,00% e TAE do 0,00%). A tarifa reducida aplicarase a persoas en situación de especial vulnerabilidade ou risco de exclusión financeira (consulta as condicións].

Calquera saldo que presente a conta non se remunerará, se o saldo existente fose por exemplo 6000€, a remuneración polo devandito importe sería 0€.

Estas tarifas inclúen os servizos descritos no apartado anterior, ademais da comisión de apertura, mantemento e cancelación da conta. Consulta el documento informativo de las comisiones.

Se se superase o número máximo de 120 operacións de pago anuais (domiciliación de recibos, ordes de transferencia permanentes e transferencias), sobre as operacións que excedesen desa cantidade cobraríanse as comisións estándar da Entidade.

Considérase situación especial de vulnerabilidade ou risco de exclusión social cando os ingresos económicos brutos, computados anualmente e por unidade familiar dun cliente non superen os seguintes limiares:

• Tres veces o Indicador Público de Renda de Efectos Múltiples (IPREM) en doce pagas vixente no momento de efectuar a solicitude cando se trate de persoas non integradas en ningunha unidade familiar.
• Tres veces e media o Indicador Público de Renda de Efectos Múltiples (IPREM) vixente no momento de efectuar a solicitude cando se trate de persoas integradas nalgunha das modalidades de unidade familiar con menos de catro membros.
• Catro veces do devandito indicador:
  • cando se trate de unidades familiares integradas por catro ou máis membros ou que teñan recoñecida a súa condición de familia numerosa de acordo coa normativa vixente.
  • cando se trate de unidades familiares cunha persoa con grado de discapacidade igual ou superior ao 33 por cento recoñecido oficialmente por resolución expedida polo Instituto de Maiores e Servizos Sociais ou polo órgano competente das comunidades autónomas.

Ademais, non pode concurrir titularidade, directa ou indirecta, ou dereito real algún sobre bens inmobles, excluida a vivenda habitual, nin titularidade real de sociedades mercantis, por parte de ningún dos membros que integren a unidade familiar.

Enténdese como unidade familiar tanto aos cónxuxes non separados legalmente como ás parellas de feito constituídas de conformidade cos requisitos que lles fosen esixibles.

Tamén se considera que o cliente está en situación especial de vulnerabilidade cando sexa vítima de trata ou explotación sexual, nese caso non haberá de cumprir os anteriores requisitos.

Para que se aplique a tarifa reducida, débense achegar os documentos que acrediten a situación de especial vulnerabilidade descrita anteriormente

Para que se aplique a tarifa reducida da comisión da Conta de Pago Básica, todos os titulares deberán estar en situación de especial vulnerabilidade ou risco de exclusión financeira e deberán aportar algún dos dos seguintes documentos que acrediten:

• Número de membros da unidade familiar: libro de familia ou inscripción como parella de feito.

• Ingresos da unidade familiar:

  • Certificado de rendas
  • Últimas tres nóminas.
  • Certificado de prestacións o subsidios por desemprego, no que figure a cuantía mensual percibida.
  • Certificado de axudas sociais (salarios sociais, rendas mínimas de inserción,…)
  • No caso de traballador por conta propia, certificado de prestación por cese de actividade no que figure a cuantía mensual percibida.
• Titularidade de bens: Certificado do Xuro de Patrimonio.

Cando non se dispoña da documentación anterior, o cliente deberá aportar un informe no que se indique a composición da unidade familiar ou no que se explicite que o cliente é apto para ter unha Conta de Pago Básica gratuita, según el caso. Este informe será emitido polos servizos sociais do Concello no que esté empadroado o cliente. No caso de ser vítima de trata ou explotación sexual poderá acreditarse a través do modelo unificado de acreditación expedido polos servizos sociais ou entidade especializada na materia.

Se tes algunha reclamación relativa a túa solicitude de contratación da Conta de Pago Básica poderás utilizar o sistema de resolución alternativa de controversias o litixios, conforme ao previsto na disposición adicional primeira dea Lei 7/2017, do 2 de novembro.