Somos agro
Somos ABANCA

Ofrecémosche a posibilidade de adiantar a cobranza das axudas da PAC para que poidas dispoñer do importe desde o primeiro día. Coa nosa experiencia podémosche axudar na tramitación cunha xestión simplificada, áxil e cómoda.

Pide cita na túa oficina máis próxima e axudámoste.

Facemos que as túas relacións coa Admnistración sexan moito máis sinxelas e cómodas. Anticipámosche as subvencións concedidas, a devolución dos impostos e financiamos as túas obrigas tributarias.

Facemos valer a nosa experiencia no sector para facerche a vida máis cómoda, tamén con todo o relacionado cos Fondos Next Generation: procura de axudas, servizo de tramitación, anticipo da axuda, financiamento de inversións, e moito máis!

Axudámoste a mellorar a estabilidade do financiamento do circulante que lle cómpre á tesouraría da túa explotación. Disporás dun aliado tan flexible coma sólido para financiar as túas necesidades de liquidez, a un prazo de 5 anos e en condicións moi vantaxosas a tipo variable.

Para que o cobramento das túas letras, notas promisorias, recibos ou facturas non che supoña un problema, facilitámosche que anticipes o seu cobramento cunhas condicións moi competitivas.

Se estás pensando en cambiar, ampliar ou modernizar as túas instalacións, nós axudámoste. Podemos financiar os teus proxectos de investimento a través da nosa oferta sectorial, donde poderás escoller entre un xuro fixo ata un prazo de 8 anos ou uns xuros variables e ata en 12 anos, con posibilidade de carencia. Elixe a forma que máis se che axeite: préstamo ou leasing, incluido el leasing para ganado.

Ademais, no financiamento de investimentos que contribúan a mellorar a sustentabilidade ou eficiencia enerxética da actividade, aplicaranse tarifas bonificadas.

Financiamento de comunidades de regadores, amoblamento de leiras de regadores e cultivos de ciclo longo con prazos e condicións adaptadas que se adecúan ás necesidades específicas destes cultivos.

Poñemos á túa disposición convenios oficiais que che poden facilitar o acceso a novo financiamento como o Convenio con SAECA ou SGRs que achegan garantías adicionais para facilitar o acceso a financiamento de liquidez e investimentos. As persoas físicas poderán solicitar ata 250.000€ e as persoas xurídicas, ata 400.000€, cun prazo máximo de 15 anos.

Se a túa explotación está nunha comunidade adherida (actualmente Galicia, Castela e León e Estremadura), infórmate das vantaxes do Instrumento Financeiro de Xestión Centralizada (FEADER 2014-2020) para investimentos recollidos nas medidas dos Programas de Desenvolvemento Rural. Poderás solicitar financiamento ata en 20 anos con carencia e a garantía do 80% do MAPA:

• Investimentos en explotacións agrarias, Industria Forestal con resolución favorable a préstamo garantido.
• Financiamento de investimentos (incluída compra de terras) e financiamento de circulante.
• Incorporación de mozas e mulleres.

Esta é unha solución perfecta para optimizar o teu tempo e recursos no pagamento a provedores, con procesos máis simples e menos carga administrativa. Coas nosas solucións poderás organizar e xestionar os teus pagamentos e a posibilidade de diminuír os custos de aprovisionamento coa opción de pronto pago. E ata podemos encargarnos de atenderche as chamadas.

Co noso servizo de factoring, nós encargarémonos da administración e o finanzamento das túas facturas. Poderás aforrar gastos administrativos, mellorar a túa contabilidade e organizar máis eficientemente a túa estrutura financeira. Máis recursos e máis tempo para o que é realmente importante: que a túa empresa sexa cada día máis e máis próspera.

En ABANCA garantímosche a seguridade, fiabilidade e financiamento dos teus pagamentos aos provedores, aquí e no estranxeiro. Para iso acompañámoste nas operacións de importación e exportación cun servizo integral de calidade: crédito, afianzamento e xestión dos cobramentos e pagamentos.

ABANCA pon ao teu dispor unha ampla rede internacional, unha plataforma informática de vangarda e sobre todo o asesoramento personalizado dun equipo de xestión próximo. Temos unha grande experiencia no comercio internacional de produtos agrogandeiros.

Todos os produtos de circulante que necesitas para a túa empresa (avais, comex, desconto comercial, liña de crédito), nun único contrato. Desta forma, todos compartirán o 100% do límite solicitado, unha forma moito máis flexible e rápida de dispoñer de liquidez. Con esta solución poderás resolver as túas necesidades financeiras no momento preciso, cando queiras.

Comercializamos todas as liñas de Agroseguro, ademais dispoñemos dunha liña de financiamento para seguros agrarios que permite fraccionar o pagamento das primas ata en doce mensualidades:

• Retirada de animais mortos.
• Seguros pecuarios (vacuno, aviar, porcino, ovino e caprino).
• Seguro forestal.
• Seguros agrícolas (millo, trigo, cebada, alfalfa, leguminosas, oleaginosas, frutos secos, frutais, hortalizas, olivar e uva tanto de mesa como de viño)

O noso seguro de tractores e maquinaria agrícola cobre a póliza obrigatoria de circulación, pero ademais ofréceche a contratación de coberturas adicionais segundo as túas necesidades: como responsabilidade civil de traballos en bens propios ou alleos, accidente do condutor, asistencia médica, incendio, roubo, perda total…