Non compartas ningún código se te chaman por teléfono
Desde ABANCA nunca te chamaremos para pedirche unha clave que recibas no móbil se non iniciaches ti unha operación.
As claves dun único uso só se introducen na pantalla da túa banca electrónica.
Se te chaman e chas solicitan, colga e contacta con nós directamente.
Os nosos sistemas de seguridade non estarían completos sen a túa axuda
Se detectas algunha actividade estraña, agradecerémosche que nolo fagas saber se:
- Ocorre algo coas túas compras, coas tarxetas ou coas contas
- Atopas algunha web que se parece á de ABANCA pero non o é
- Che chegan avisos ao móbil sobre accesos ou operacións que ti non estás facendo
- Che chega un correo cunha ligazón directa á túa banca electrónica
Envíanos un correo electrónico a tuseguridad@abanca.com ou chámanos para revisalo.
Utiliza un PIN seguro
Para iso, sigue estas recomendacións.
- Non utilices datos persoais: data de nacemento, teléfono, DNI…
- Evita números sucesivos e non reutilices claves
- Non anotes o PIN en ningún dispositivo, tampouco en papel
- O teu PIN é secreto e intransferible, non o compartas con ninguén
- Actualízao frecuentemente
Adecúa os límites da túa banca electrónica ao teu día a día.
Revisa os importes das túas operacións habituais, por exemplo envíos de diñeiro, e establece límites máximos. Poderás amplialos para operacións puntualmente se é necesario.
Préstalles atención aos correos electrónicos ou ás chamadas fraudulentas
Estas son algunhas das claves que delatan un intento de fraude ou phishing por correo.
- O enderezo do correo electrónico do remitente non coincide co da empresa
- Pídenche que realices unha acción con máxima urxencia
- O deseño da mensaxe é sospeitoso
- Hai faltas de ortografía ou erros de redacción
- O correo solicita información persoal
- Inclúense arquivos anexos
Activa a autenticación con segundo factor
Desta forma sempre che pediremos que confirmes a identidade co teu móbil cando operes coa banca electrónica
Revisa as instrucións de pagamentos por correo electrónico
Se detectas cambios, como novos bancos ou números de conta, contacta co remitente por outra canle e confírmao
Conciencia o cadro de persoal
É importante que o persoal da empresa estea informado sobre ciberataques e como deben actuar
Actualiza os dispositivos
Mantén sempre actualizados o navegador, o antivirus, as aplicacións, os sistemas operativos…