Factoring

Co noso servizo de factoring, nós encargarémonos da administración e o finanzamento das túas facturas. Poderás aforrar gastos administrativos, mellorar a túa contabilidade e organizar máis eficientemente a túa estrutura financeira. Máis recursos e máis tempo para o realmente importante: que a túa empresa sexa cada día máis e máis competitiva.

É para min?

Se xestionas un negocio onde algúns clientes non pagan ao contado, o factoring pode serche de grande axuda.
Como funciona?

Co servizo de factoring cédesnos as facturas que tes fronte aos teus cliente e en ABANCA anticipámosche o seu importe.
Que é o mellor?

O servizo de Factoring mellora a liquidez da túa empresa e afórrache tempo e esforzos. Axudámoste coas xestións de cobro fronte aos teus clientes.
En que condicións?

As condicións do servizo de factoring adáptanse ás túas necesidades, e podes engadir ou retirar contas de clientes, cando queiras, deste servizo externalizado.

Unha solución á túa medida

O Factoring é unha fórmula de finanzamento e administración moi sinxela, baseada na cesión de facturas: ti cédesnos o crédito comercial dos teus clientes rexistrado nesas facturas e nós adiantámoste o importe das mesmas e axudámoste a xestionar o cobro.

Deste xeito poderás obter moito en troca de moi pouco: poderás reducir os gastos administrativos da túa empresa e simplificar a túa contabilidade; poderás dispoñer de liquidez a medida das túas transaccións comerciais e aumentar a eficacia da xestión de cobros. E moito máis!

Vantaxes financeiras e contables

Co noso servizo de factoring poderás optimizar a túa estrutura contable: ao eliminar contas a cobrar poderás mellorar o teu circulante, e permitirache planificar de forma máis rendable a túa Tesouraría, evitando posibles desviacións.

Ademais, ao optares por esta solución, que axustarmos exactamente ás necesidades da túa empresa, amplías a capacidade de finanzamento e melloras os teus ratios de endebedamento.

Nós axudámosche cos cálculos, verás como con esta ferramenta poderás mellorar o rendemento comercial do teu negocio.

banner-programa-servicios-abanca-empresas

O Programa Servizos ABANCA, para a túa empresa

Moitos dos nosos clientes non pagan comisións e benefícianse de mellores tarifas en moitas operacións. Se confías en ABANCA poderás esquecer as comisións, ter tarxetas gratis, ou sacar diñeiro gratis en calquera caixeiro do mundo.

Prestacións do Factoring de ABANCA

Ofrecémosche un servizo de Factoring a medida, co que poderás beneficiarte das seguintes prestacións:

Estudo e clasificación de debedores. Estudaremos e clasificaremos de xeito experto aos teus clientes comerciais, en función da súa calidade crediticia establecendo un límite cuantitativo de risco económico individualizado. Ao longo da vida do contrato poderás solicitar a inclusión de nuevos debedores e modificación dos seus límites, de xeito áxil e sinxelo.

Anticipo dos créditos cedidos. O finanzamento dos créditos cedidos podería chegar até o 100% do seu importe, aínda que é habitual pactar retencións entre o 5% e o 20% do nominal para cubrir posibles diferencias entre o importe cedido e o importe cobrado. Poderás anticipar os créditos en calquera momento comprendido entre a data de cesión e o vencemento do crédito. E ademais, poderás realizar disposicións parciais.

Posibilidade de asegurar as ventas. ABANCA asumirá o risco de insolvencia daqueles debedores que estean clasificados, sempre e cando os créditos cedidos sexan lexítimos e esixibles.

Xestión de cobro e recobro dos créditos cedidos. Tamén te axudamos nas xestións cos teus clientes comerciais para o cobro das facturas.

Quen intervén nun contrato de factoring?

Neste servizo hai tres actores:

Cedente: ti, o noso cliente, que tes un contrato (ou un pedido, ou un acordo) para a venda de mercadoría ou a prestación de servizos aos teus clientes, cos que pactaches un aprazamento e unha forma de cobro.
Debedores: son os compradores da túa mercadoría ou servizos.
Factor: ABANCA, a entidade á que ti lle cedes os créditos comerciais a cargo dos debedores. Estes, ao vencemento dos créditos, págannos directamente a nós. En ABANCA ademais encargámonos de prestar os servizos administrativos, de finanzamento ou de cobertura que pactásemos