Préstamo Coche Ecolóxico

Se ademais de estar a buscar un coche novo, estás concienciado con preservar o medio ambiente, temos algo para ti. O Préstamo Coche Ecolóxico 24h é unha forma fácil e rápida de conseguir financiamento para o teu novo vehículo ecológico nunhas condicións moi interesantes.

As condicións vantaxosas deste produto son a nosa forma de premiar ás persoas coma ti que apostan por un coche máis sostible en favor do medio ambiente e do futuro do noso planeta.

Consigue ahora o teu empréstito persoal bonificable, que che permite pedir de 6000 a 60.000€ e sen ningún custo adicional de formalización da operación.

Para gozar desta tarifa, o vehículo que vaias adquirir deberá…

• Ser eléctrico, híbrido enchufable, con pila autorrecargable…
• Ter un nivel de emisións inferior a 50 g CO2/km.
• Ser de categoría M1: vehículos para o transporte de persoas que contan con nove prazas, incluída a do condutor, conforme se define no artigo 4, apartado 1, letra a), inciso i) do Regulamento (UE) 2018/858.

Poderás consultar a categoría do vehículo na casa J da ficha técnica do mesmo.

O tipo de xuro deste Préstamo Coche Ecolóxico 24h, sen ningunha bonificación, é TXN 9,70%, TAE desde 10,60% (TAE máxima 14,18%). Mostrámosche como sería a túa cota e os xuros no exemplo que atoparás máis abaixo.

Pero podes rebaixar até un 3% esta tarifa até un TXN 6,70%, TAE desde 10,84% (TAE máxima 20,42%) se contratas algúns produtos ou servizos de ABANCA que bonifican o tipo de xuro. Non é obligatorio que os contrates, pero poden facer que pagues menos polo teu préstamo:

• Se tes a nómina domiciliada (600€ mínimo) ou os seguros sociais, o TXN do teu empréstito rebaixarase un 1,50%. E se non tes nómina, pero tes ingresos recorrentes de máis de 600 € todos os meses, podes beneficiarte destas mesmas condicións.

• Se tes un seguro vida asociado ao empréstito polo 100% do principal solicitado e este ten un importe mínimo de 15.000 euros, os xuros rebaixaránseche un 0,75%.

• E se tes contratados un seguro de fogar ou un de coche, ou un seguro de protección de pagamentos de prima única asociado ao préstamo polo 100% do solicitado, reducirás o TXN de teu empréstito outro 0,75% máis.

Ten en conta que para formalizar este préstamo deberás contratar unha tarjeta de crédito VISA Tú, se non dispós doutra tarxeta de crédito ABANCA, que poderás dar de baixa canda queiras.

Os bancos debemos darche un exemplo coa tarifa máis cara e máis barata cando che falamos dun préstamo, para que así poidas comparar as diferentes ofertas de forma transparente.

Para calcular os exemplos do Préstamo Coche Ecolóxico 24h sen bonificación, supuxemos que todos os meses teñen o mesmo número de días, que a data de formalización é o 1 de xaneiro (empezarías a pagar en febreiro) e que manterás para toda a vida do préstamo: unha conta asociada ao préstamo cunha comisión trimestral de mantemento de 31€, que se cobra en marzo, xuño, setembro e decembro (asígnase a abril, xullo, outubro e xaneiro a efectos de cálculo); e unha tarxeta de crédito VISA Tú que debes contratar co teu préstamo persoal, se non dispós doutra tarxeta de crédito ABANCA, cunha comisión de emisión e mantemento de 43 euros ao ano, que será gratuíta o primeiro ano.

En cambio, para calcular os exemplos do Coche Ecolóxico 24h con bonificación, tivemos en conta os supostos mencionados no caso anterior e, a maiores, que tes a túa nómina domiciliada connosco por un valor mínimo de 600€, un seguro de vida e un seguro de protección de pagos vinculados ao préstamo de prima única, cuxo custo che mostramos a continuación. O custo destes seguros foi calculado para unha persoa de 30 anos.

Hai ocasións en que non podes agardar. Por iso creamos este Préstamo Coche Ecolóxico 24h como un préstamo de tramitación rápida: dende que entras pola porta da nosa oficina coa documentación e asinas o a solicitude de financiamento ata que che confirmamos que é viable só van pasar 24h: nin un minuto máis.

Estamos seguros de que cumpriremos o prazo. Pero se non fose así, compensariamoste.

Para solicitares un préstamo para un coche ecolóxico debes cubrir o noso formulario online. Pouco despois de enviar este formulario, porémonos en contacto contigo para dicirche se a operación é viable ou non. Se o é, pedirémosche unha pouca documentación, como o permiso de circulación e a ficha técnica do vehículo, e cando comprobemos que todo está correcto, terás que asinar o empréstito, algo que podes facer tanto online como na oficina.

Ademais, recorda que polas características deste produto, só poderás contratalo e ter a bonificación no tipo de xuro ata que ti ou calquera titular interveniente cumprades 59 anos. Neste caso, consulta outras opcións na túa oficina.

Xunto co teu préstamo disporás tamén dunha tarxeta de crédito VISA Tú, que che permitirá mercar ou retirar diñeiro en efectivo en calquera parte do mundo. E se en calquera momento consideras que non a necesitas, poderás dala de baixa cando queiras e sen custo ningún.

E lembra tamén que estas condicións son válidas só se tramitas o teu empréstito a través desta web.