Vantaxes deste seguro de viaxe
Por que?
É para min?
Que é o mellor?
Como funciona?
Seguro de asistencia en viaxes
O seguro de viaxe de ABANCA permíteche contratar un extra de protección só durante o tempo que esteas a viaxar, e só por aquelas coberturas que ti consideres, en función do país de destino e do tipo de actividades que vaias realizar.
As enormes diferenzas entre os sistemas sanitarios e o trato aos estranxeiros de visita turística, fai que sexa moi recomendable, sobre todo en determinados destinos, saber que as túas vacacións non acabarán comprometendo nin a túa saúde física, nin a túa saúde financeira! Gastos médicos, traslados sanitarios, ata danos ou perda da equipaxe… Súmalle unha pequena partida ao orzamento total da viaxe e poderás viaxar sabendo que á volta, todo seguirá igual.
Interesante, verdade? Se xa es cliente de ABANCA, ten en conta que a cobertura máis básica de viaxe (ata 60 días) está incluída nos nosos seguros de fogar, coche ou saúde de ABANCA, e que existen outras coberturas que te protexen se utilizaches a tarxeta de crédito para pagar a viaxe.
En calquera caso, sexas ou aínda non sexas cliente de ABANCA, se vas viaxar, e sobre todo se o vas facer ao estranxeiro, o seguro de asistencia en viaxes é para ti. Por que non te achegas a unha das nosas oficinas e revisamos o teu caso polo miúdo? Pide cita, estarémoste esperando!
Coberturas da asistencia en viaxe
A continuación, contámosche as coberturas deste seguro para unha viaxe de ata tres meses:
- Reembolso dos gastos médicos no estranxeiro, ata 25.000€ no estranxeiro, e ata 1800€ en España.
- Regreso anticipado por causas familiares graves, falecemento ou hospitalización.
- Reembolso dos gastos de anulación da viaxe.
- Busca e localización da equipaxe no caso de extravíos.
- Compensación por atrasos na viaxe ou na entrega das maletas.
- Repatriación ou transporte de feridos ou enfermos.
- Seguro de responsabilidade civil.
- E moito máis…
Se a túa viaxe é dunha duración maior (ata doce meses), podes acudir á túa oficina ABANCA máis próxima para informarte sobre as nosas coberturas.
Que me pode pasar se viaxo sen seguro?
Esperamos e desexamos que non teñas que pasar por unha situación así, e seguro que non che pasará nada. Pero para que o saibas, ímosche dar uns exemplos aproximados pero reais de a que te terías que enfrontar se tes algún problema de saúde no estranxeiro.
Se vas a EEUU
En Australia
En Xapón
Como verás, contratar un seguro de viaxe ten un custo moi baixo se o comparamos co risco que supón un contratempo deste estilo para os teus aforros, verdade?
Exemplos de prima por persoa
| Duración da viaxe | España | UE | Resto do mundo |
|---|---|---|---|
| 1 a 5 días | 10,29€ | 13,53€ | 23,59€ |
| 6 a 8 días | 15,14€ | 19,86€ | 34,47€ |
| 9 a 13 días | 22,09€ | 29,30€ | 50,64€ |
| 61 a 90 días | 118,90€ | 169,26€ | 321,72€ |
Mediador: ABANCA MEDIACIÓN, OPERADOR DE BANCA SEGUROS VINCULADO S.L., operador de banca-seguros vinculado, con domicilio social en Avenida da Mariña 1, 4ª planta da Coruña, e provista de CIF B-70049630, inscrita no Rexistro Mercantil da Coruña, ao Tomo 3092, folio 73, folla C-38698 e no Rexistro Administrativo Especial de Mediadores de Seguros da Dirección Xeral de Seguros e Fondos de Pensións co nº OV-0044. Con Seguro de Responsabilidade Civil, Capacidade Financeira esixidos pola normativa de distribución de seguros vixente. Consulta aseguradoras coas que o mediador ten celebrado un contrato de axencia.
Aseguradora: ARAG SE, SUCURSAL EN ESPAÑA, con número de inscripción en el Registro administrativo de entidades aseguradoras y reaseguradoras de la DGSFP E0210.