Entre 12 e 34 anos
Sen comisións
No estranxeiro
Máis vantaxes
Entre 12 e 34 anos
Sen comisións
No estranxeiro
Máis vantaxes
Onde queiras, cando queiras
Se tes entre 12 e 34 anos e xestionas o teu diñeiro, a tarxeta Tú NX é sen dúbida a mellor opción. Sobre todo se queres que non che custe nada. Con esta tarxeta, que non ten comisións nin de emisión nin de mantemento, poderás sacar cartos fóra de España e non che cobraremos comisión por troco de divisa.
Imaxina que estás en Nova York e necesitas dólares. Poderás obter diñeiro no primeiro caixeiro que vexas, e non che cobraremos nada, nin sequera polo troco de moeda. E poderás facelo até cinco veces ao mes. A partir desa quinta vez, só che cobraremos un euro por cada retirada. Lembra que hai bancos estranxeiros que poderían cobrarche unha comisión polo uso do caixeiro, pero ABANCA non!
Poderás sacar diñeiro totalmente gratis en todos os caixeiros de ABANCA, e fóra de Galicia ata cinco veces ao mes en calquera caixeiro da Rede Euro 6000, Euronet, Banco Sabadell, Bankinter, Caja de Arquitectos, Caja de Ingenieros e Euro Automatic Cash.
Todos os bancos (en España é obrigatorio) teñen que informar desta comisión mediante unha mensaxe na pantalla do caixeiro, para que poidas confirmar ou anular a operación.
Vale, quero a miña Tú NX, que necesito?
Para desfrutar da tarxeta Tú NX necesitas ter unha conta corrente en ABANCA.
Se non es cliente de ABANCA, podes abrir a túa conta sen pasar pola oficina. Necesitarás ser maior de idade, ter a túa documentación contigo e un móbil con cámara para que poidamos identificarte por vídeo selfie. Ao terminar o proceso, terás xa o número da túa nova conta e en cuestión de días recibirás a túa tarxeta Tú NX e as túas claves para entrar na túa banca electrónica. Tardarás menos de dez minutos!
Se xa es cliente de ABANCA e aínda non tes a túa tarxeta, podes solicitala online nesta mesma web e un dos nosos xestores pechará a contratación contigo.
Para os menores de idade, deberá solicitar a tarxeta a nai, pai ou titor legal de forma presencial nunha das nosas oficinas.
E se o que queres é que nos vexamos e que che expliquemos ben todas as vantaxes aplicadas ao teu caso concreto, temos as portas das nosas oficinas abertas para ti.
E moitas vantaxes máis
Aínda que todas as nosas tarxetas son moi seguras, coa Tú NX terás un seguro antifraude gratuito para protexerte en caso de que alguén faga un uso malicioso da túa tarxeta. E se precisas tramitar algunha incidencia, contámosche cómo podes facelo sen saír da casa.
Tamén terás descontos nas compras que fagas, como o 2% en todas as estacións de servizo Galp asociadasSerás redirixido a outro sitio web a esta promoción. Consulta aquí as condicións.Ver ficheiro PDF
Coa túa tarxeta de débito Tú NX tamén te beneficiarás do programa EURO 6000 Plus, con descontos e reembolsos en hoteis, viaxes e outros establecementos. Só por utilizares a tarxeta! Consulta todos os descontos e marcas adheridas
Coñece as vantaxes das tarxetas ABANCA
Ao pagar coa túa tarxeta ABANCA terás descontos e promocións, facilidades para pagar cando prefiras, control total sobre as túas cotas e, por suposto, a máxima seguridade cando mercas en internet, con múltiples opcións de protección. Descubre todo o que che ofrecen realmente as tarxetas ABANCA!
¿Tes preguntas? Nós respostas
Só necesitas ter entre 12 e 34 anos. Se es menor de idade, necesitarás acudir a unha oficina ABANCA canda a túa nai, teu pai, ou quen exerza a túa titoría legal para formalizardes o contrato.
Non, ningunha. A tarxeta Tú NX tampouco che aplica comisión de cambio polos reintegros nos caixeiros en moedas distintas ao euro. ¡Todo son vantaxes!
DOCUMENTACIÓN
NO BLOG
