Ohiko eragiketak

Dibisa-kontu bat baduzu (librak, dolarrak, etab.), dirua bidali ahalko duzu kontu horretatik euro-kontu batera eta alderantziz. Beste banku batzuetako kontuetara ere bidal ditzakezu dibisak.

ABANCAn kontu bat ireki nahi baduzu, baina ez bazara Espainian bizi, gure gestore batekin jarri behar duzu harremanetan eta hark lagunduko dizu. Alta emateko dokumentazio hau behar duzu:

• Identifikatzeko dokumentu bat adibidez, pasaportea, IFZ zenbakia edo atzerriko dokumentu ofizial bat.
• Zerga-egoitzaren deklarazioa.
• Bizi zaren herrialdeko ogasunak igorritako zerga-ziurtagiri bat.
• Bizi zaren herrialdeko ogasunak igorritako hitzarmen zerga-ziurtagiri bat.
• Zure helbidea, atzerrikoa eta Espainiakoa
• Egoitza-herrialdeko zure identifikazio fiskaleko zenbakia.

Derrigorrezko dokumentazio horrez gainera bizi zaren herrialdeko eta Espainiako telefono mugikorreko eta finkoko zenbakia ere helaraztea eskertuko genizuke, eta baita helbide elektronikoa ere, uneoro zerbitzu onenak eskaini ahal izateko.

Zure kontuak munduko edozein lekutik beha ditzakezu, Interneterako sarbidea eta banku elektronikoko edo banku mugikorreko zerbitzua aktibatuta izatea baino ez duzu behar. 

Zure banku elektronikoarekin konektatu edo jarduteko zailtasunak baldin badituzu, sarbiderako SMS mezua eta sinadura jasotzen ez dituzulako, zera egin dezakezu:

• Instalatu banku mugikorreko aplikazioa. Eragiketa ohikoenak egin ahalko dituzu zure smartphone gailuan ABANCAKO banku mugikorreko aplikazioarekin. Instalatzeko SMS mezua iristen ez bazaizu, sakatu 'Deituko zaitugu' aukera. Bertan instalazioa amaitzeko gakoa diktatuko dizugu.
• Behin banku mugikorreko aplikazioa instalatuta, SMS mezu bat bidali beharrean, jakinarazpen bat igorriko dizugu zure mugikorrera eta, are, gakoa zure telefonoan sortu ahalko duzu une horretan datu konexiorik ez baldin baduzu.

 SMSa jaso gabe jarraitzen baduzu, 900 815 522 telefono-zenbakira dei diezagukezu (edo
+34 981 910 522 zenbakira, atzerritik deitzen badiguzu)

Nazioarteko transferentzia bat egiteko Espainiatik kanpoko zure bankuko SWIFT/BIC datuak eta IBAN zenbakia  eskatu behar dituzu ezinbestean. Horiek kontuekin lotutako datuak dira, nazioarteko banku transferentzia eta transakzioak modu azkar eta seguruan egiteko ezinbestekoak.

Atzerritik ABANCAKO kontu batera dirua igorri nahi baldin baduzu nazioarteko transferentzia  bat egin eta zure SWIFT/BIC eta IBAN datuak eman baino ez duzu egin behar.