Zure txarteleko PIN zenbakia ahaztu baldin baduzu, aukera hauek dituzu. Horretarako, zure txarteleko daturen bat eskatuko dizugu, eskura izan dezazun:

• Banku mugikorretik  PIN berri bat eska dezakezu 'Tarjetas', erlaitzetik, hautatu txartela eta sartu doikuntzetan (goran dagoen horzdun gurpilaren irudia) eta sartu 'PIN kodea eskatu'. 
• Zure banku elektronikotik, sartu 'Txartelak’ menuan eta ondoren > 'PIN eskaera'.
• Deitu 900 815 522 telefono-zenbakira (edo +34 981 910 522 telefono-zenbakira, atzerritik deitzen badiguzu) eta testu-mezu batean bidaliko dizugu mugikorrera. Nahiago baldin baduzu, postaz ere bidal diezazukegu etxera.
• Era berean, gertuen duzun ABANCA bulegora urrera zaitezke zure NAN agiriarekin eta presentziazko eran eska dezakezu. 

Txartelaren mugimenduetan zuk ezagutzen ez dituzun eragiketak detektatzen badituzu, berehalako neurriak har ditzakezu transakzio gehiago prebenitzeko. Txartela itzali beharko duzu app mugikorraren edo banka elektronikoaren bidez, etorkizunean harekin egin litezkeen eragiketak blokeatzeko. 

Garrantzitsua da kontuan hartzea erosketa batzuek luze jo dezaketela prozesatzen, eta, horregatik, begiratu ezazu ea ezagutu ez dituzun horiek oraindik islatu gabeko eragiketa legitimoak diren. 

Transakzioren bat zurea ez dela baieztatzen baduzu, urrats hauek egin ditzakezu zure aplikazio mugikorraren bidez, guri gorabeheraren berri emateko:

• Hautatu ezagutzen ez duzun mugimendua (bat edo batzuk) 
• Adierazi gorabeheraren arrazoia
• Sinatu gorabeheraren dokumentua 

Urrats horiek egin ondoren, itzulketa lortzeko behar diren izapideak egingo ditugu, eta horren berri emango dizugu. 

Ezin baduzu zure app-a erabili, dei iezaguzu ahalik eta azkarren 900 815 525 zenbakira (edo +34 981 910 525 zenbakira, atzerritik deitzen badiguzu), guk egin beharreko kudeaketa guztiak egin ditzagun.

Mezu bat iriste baldin bazaizu mugikorrera zure banku mugikorra instalatu duzula ohartaraziz edo banku elektronikoko eragiketa bat sinatzeko adieraziz baina kudeaketa egiten ari dena zu ez baldin bazara, dei gaitzazu lehenbailehen 900 815 522 telefono-zenbakira (edo +34 981 910 522 telefono-zenbakira atzerritik deitzen badiguzu), hura blokeatzeko beharrezkoak diren kudeaketa guztiak egin ditzagun. Zerbitzu hori erabilgarri dago eguneko 24 ordutan. 

Segurtasun-arrazoiak direla eta, txartel guztiek dute eragiketa bakarrean gastatu edo kutxazainetik atera dezakezun gehienezko diru-kopuru bat. Horri txartelaren gastu-muga esaten zaio. Muga hori gainditzen duen erosketaren bat edo diru-ateratzeren bat egiten baduzu, eragiketa ezeztatu egingo da.

ABANCAren aplikazioaren bidez txartel bakoitzaren gastu-muga alda dezakezu Internet bidezko erosketak egiteko, denda fisikoetan erosketak egiteko edo kutxazainetan ateratzeko. Adibidez, Internet bidez gutxi erosten baduzu, Internet bidezko erosteko gastu-muga txikitu dezakezu. Hartara babestuago egongo zara txartela lapurtzen badizute. 

ABANCAn ahalegin guztiak egingo ditugu zenbatekoa berreskura dezazun, baina ezin dizugu bermatu. Iruzur bakoitzak bere berezitasunak ditu, eta banan-banan aztertzen dira.

Iruzur edo maula kasu guztiak zehatz-mehatz aztertuko dira, zer gertatu den zehazteko. Gogoratu arreta handiz zaindu behar ditugula txartela eta PINa. Ez eman inori zenbaki sekretu osoa.

Bizum-en bidez ordainketa bat egin edo eskatu dezakezu. Jakinarazpena jasotzen duzunean, erreparatu mezuari, zer baimendu behar duzun zehazten baitu. Informazio gehiago nahi izanez gero, jo Cuentas Claras gure blogaren sarrera honetara.

Bi hauei erreparatu behar diezu: sartu behar duzun orriaren hasieran “HTTPS://" agertzen den eta URLaren ondoan giltzarrapoaren ikurra agertzen den. 

Gainera, komeni da sartu nahi duzun orriaren helbidea idaztea. Informazio gehiago nahi izanez gero, jo Cuentas Claras gure blogaren sarrera honetara. 

Ordainketa-zerbitzuak arautzen dituen PSD2 araudiak salbuespenak ezartzen ditu; hartara, eragiketa jakin batzuk autentikazio sendotua aplikatu beharrik gabe egin daitezke, hala nola zenbateko txikiko eragiketak. 

Abisuak zerbitzuan alta egin dezakezu zure kontu eta txarteletako eragiketak berehala ezagutzeko. Horrela, alertak konfiguratu ahal izango dituzu zure txarteletan, eta, 5 €-tik gorako gastuak badituzu, mezu elektroniko bat jasoko duzu harren berri emateko. Hemen duzu informazio gehiago.

Ez, ABANCAtik ez dizugu estekadun mezurik bidaliko zure sarbide-gakoak sar ditzazun. Hutsegitez sartu bazara, deitu 900 815 525 telefono-zenbakira (edo +34 981 910 525 zenbakira, atzerritik deitzen baduzu)

Itzali txartela Banku Mugikorraren edo Banku Elektronikoaren bidez. Jarri harremanetan TuSeguridad zerbitzuarekin txartel berri bat eskatzeko, eta dei berean edo webgunean agertzen den formularioaren bidez has zaitezke egin ez dituzun eragiketen erreklamazioaren izapidea egiten. Hemen duzu informazio gehiago.

Phishinga iruzur-ahalegin bat da; zibergaizkileak zure datu pertsonalak, hala nola pasahitzak eta txartelen edo banku-kontuen zenbakiak, lortzen saiatzen dira, eta posta elektronikoa erabili ohi dute horretarako. 

Informazio gehiago nahi izanez gero, jo Cuentas Claras gure blogaren sarrera honetara.

Phishingaren aldaera bat da smishinga; kasu horretan, testu-mezuak erabiltzen dituzte zibergaizkileek zure datu pertsonalak, hala nola pasahitzak eta txartelen edo banku-kontuen zenbakiak, lortzeko. 

Informazio gehiago nahi izanez gero, jo Cuentas Claras gure blogaren sarrera honetara.

Telefonoa babestu nahi baduzu, jarraitu aholku hauei:

- Eguneratu aldiro softwarea. 
- Instalatu antibirus bat. 
- Erabili pasahitzak eta blokeo-patroiak. 
- Saiatu ez erabiltzen wifi irekiak Internet bidez erosteko edo bankura sartzeko 
- Deskargatu aplikazioak iturri ofizialetatik soilik-soilik 

Informazio gehiago nahi izanez gero, jo Cuentas Claras gure blogaren sarrera honetara.

ABANCA Giltza zerbitzua guztiz doakoa da. Nola aktibatu azalduko dizugu. Minutu bat baino gutxiago beharko duzu!

1. Ireki zure banka mugikorra, eta sartu Segurtasuna atalean zure profiletik.

2. Hautatu ABANCA Giltza, eta bete aktibazioa osatzeko jarraibideak.

3. Konfiguratu zure ABANCA Giltza une jakin batzuetarako edo eragiketa garrantzitsu guztietarako. 

Informazio gehiago, esteka honetan.