Inbertsio-funtsak

Inbertsio-funtsak inbertsio-bitartekoak dira; inbertitzaile-kopuru aldakor baten (partaide esaten zaie) ekarpenek osatutako ondare bat dira. Funtsen bidez, ekarpenak hainbat tresnatan inbertitzen dira (errenta finkoa, errenta aldakorra…), funts bakoitzaren inbertsio-politikaren arabera. Errentagarritasuna lortzea dute helburu, baina arriskuak dituzten eta kapital-galerak ekar ditzaketen produktuak dira.

Sozietate kudeatzaile espezializatuek aukeratuko dute non, noiz eta zenbat diru inbertituko den aktibo bakoitzean, aldez aurretik finkatutako jarraibide batzuei jarraituz.

Gainera, ABANCAk kudeatzaile propioa du (ABANCA Gestión de Activos), zeinaren bidez ABANCA markako funts propioak kudeatu eta bezeroen eskura jartzen baititu.

Haietan inbertitu ondoren, ez duzu zertan eguneroko inbertsio-erabakiak hartzeaz kezkatu, sozietate kudeatzaileak egingo baitu zure ordez. Beraz, profesional-talde batek (sozietate kudeatzailea) partaideek funtsari egindako ekarpenak inbertitzen eta kudeatzen uzteko modu bat da.

Gehiago jakin nahi baduzu eta inbertsioan aditu batekin hitz egin nahi baduzu, eskatu oraintxe hitzordua hurbilen duzun ABANCA bulegoan, eta gure kudeatzaileetako bat zure zain egongo da zuk aukeratutako egunean eta orduan.

Inbertsioaren munduan hasi berria bazara, hauxe jakin behar duzu hasi baino lehen: funts orok arriskua dakar berekin, eta handiagoa edo txikiagoa izango da zer ezaugarri espezifiko dituen eta zer aktibotan inbertitzen duen. Funtsak inbertitzen duen merkatu edo aktiboen bilakaera ez bada espero bezalakoa, haren balioak bilakaera negatiboa izan dezake eta agian galerak gain hartu beharko dituzu. Funts baten hegakortasunak, hain zuzen, funts horren likidazio-balioa zenbateraino aldatzen den neurtzen du. Zenbat eta hegakortasun handiagoa, orduan eta arrisku handiagoa, eta, normalean, zenbat eta errentagarritasun handiagoa, orduan eta arrisku handiagoa. Iraganeko errentagarritasunek ez dute etorkizuneko errentagarritasunik bermatzen. Informa zaitez ondo eta inbertitu arduraz zure dirua.

Kontuan izan hemen kontatzen dizugun guztiak helburu informatiboak besterik ez dituela, eta ez dela inolako gomendio edo eskaintza pertsonalizatua. Ezaugarri eta arrisku nagusiei buruzko xehetasunak funts bakoitzeko informazio-liburuxkan eta inbertitzailearentzako funtsezko datuen dokumentuan kontsulta ditzakezu. Gainerako lege-dokumentazioarekin batera dago eskura funts bakoitzari buruzko informazio xehatuan (gure bilatzailetik eta gure bulegoetan, sozietate kudeatzailean eta Balore Merkatuaren Batzorde Nazionalaren webgunean lor dezakezu). Funtsei buruzko liburuxkak eta gainerako lege-dokumentazioa kontsultatzea ezinbestekoa da inbertsioari buruzko edozein erabaki hartu aurretik.

Gure onlineko brokerra ABANCAko bezeroentzako zerbitzu esklusiboa da. Zure baloreen eta inbertsio-funtsen zorroa kudeatzen eta hari segimendua egiten lagunduko dizu, eta askoz gehiago!

• Zure zorroari, egiten ari diren eragiketei, eta zure inbertsioen errentagarritasun eta arriskuari buruzko informazioa.
• Kontsultatu funts eta baloreen kontratuak eta zure eragiketen frogagiriak banka elektronikotik.
• Aurkitu interesatzen zaizkizun baloreak, funtsak eta ETFak modu eraginkorrean.
• Espainiako burtsaren eta munduko burtsa nagusien baloreen kotizazioa.

ABANCAko bezeroa bazara jada eta haren nondik norakoa jakin nahi baduzu, onlineko brokerrean sar zaitezke, konpromisorik gabe, webgune honetatik edo ABANCAren aplikaziotik, doan. Onlineko bankaren gakoak sartu besterik ez duzu! Oraindik ez badituzu, eskatu hemen.

Oraindik ABANCAko bezeroa ez bazara, onlineko kontu korronte bat ireki dezakezu web honetatik bertatik, minutu gutxiren buruan!

Abanca Corporación Bancaria S.A. (Abanca)-k ohartarazten du atal honetan argitaratutako informazio guztia ABANCAk prestatu duela, eduki jakin batzuetarako hirugarrenak iturritzat hartuta, eta erabiltzailearen informazio pertsonala eta espezifikoa kontuan hartu gabe egin dela; beraz, bertan jasotakoak ez du inola ere adierazten ABANCAren edo hirugarrenen inbertsiorako iritzirik, estimaziorik, iragarpenik, gomendiorik edo aholkurik.

Informazio hau informazio- eta publizitate-ondorioetarako baino ez da ematen, eta **ezin da jo erabiltzaileak erabakiak hartzeko elementu erabakigarritzat.

ABANCAk ez du erantzukizunik izango hemen azaldutako informazioaren erabilerak eragindako galera zuzen edo zeharkakoengatik.

Erabat debekatuta dago hemen jasotako informazioa edozein kanalen bidez erreproduzitzea edo banatzea, ABANCAren aldez aurreko baimenik gabe.

Finantza-tresnak eskuratzeak mota askotako arriskuak dakartza, eta inbertitzaileak bere gain hartu behar ditu.

Arriskuaren izaera eta irismena tresna motaren araberakoa izango da. Laburbilduz, inbertitzaile batek bere gain hartu behar dituen arrisku nagusiak honako hauek dira: prezioa, kanbio-tasa, kreditua, interesa eta likideziarik eza. Beste arrisku batzuk askotariko jatorri eta zirkunstantziak dituzte: ingurune politiko, ekonomikoa eta soziala, besteak beste.