Produtos e servizos para investidores e mercados

Para investires en bolsa debes posuír unha conta de valores desde a que administrarás a túa carteira de accións. A Conta Valores está asociada a unha conta corrente, sobre a que cargaremos o importe das túas ordes de compra, as comisións relacionadas coas operacións e custodia dos valores que deposites, etc. Tamén será aí onde se che ingresarán os cartos procedentes da venda de accións e dereitos ou do cobro de dividendos. Aínda non tes a túa? Contrátaa xa desde Broker online co usuario e o contrasinal da túa banca a distancia.

Ofrecémosche as ferramentas e servizos necesarios para que tomes as decisións máis adecuadas sobre as túas inversións. Ademais de que podes consultar información actualizada sobre mercados e valores directamente na nosa web e, se o prefires, tamen tes ao teu dispor o broker online para operar directamente de forma sinxela e eficaz.

Co broker online de ABANCA podes realizar as túas operacións de valores e fondos de xeito moito máis sinxelo, tamén desde a túa banca móbil. Disporás de máis información sobre a túa carteira e as túas operacións en curso e outros servizos, como a consulta na túa correspondencia de todos os teus contratos de fondos e valores e os xustificantes das operacións que realices. Ademais, co buscador podes localizar aqueles valores e fondos que che interesen dunha forma moito máis eficaz. Por que non lle botas unha ollada?

Se realizas as túas operación a través do bróker en liña desde a túa banca electrónica ou app, terás unha tarifa plana por operación, en función do volume da compravenda e do mercado no que queiras operar. Lembra que, como en calquera operación bolsista, deberás aboar as taxas e canons da Bolsa, que son comúns a todas as entidades, ademais dos gastos de correo se aínda non activaches o servizo gratuíto de e-correspondencia.

Os fondos de investimento de ABANCA permítenche por o diñeiro a producir con distintos niveis de rendibilidade e risco. Temos fondos que cobren un amplo abano de tipoloxías de investimento para que selecciones os que máis se che axeiten.